پاکستان اور بینن کے درمیان سیاسی مشاورت کا نیا فریم ورک قائم

نیویارک: نائب وزیراعظم و وزیر خارجہ اسحاق ڈار کی بینن کی وزیر خارجہ کورین اموری برونیٹ سے ملاقات ہوئی، جس میں دونوں ممالک کے درمیان دوطرفہ تعلقات اور باہمی تعاون کے امور پر تبادلہ خیال کیا گیا۔

ترجمان دفتر خارجہ کے مطابق ملاقات کے دوران پاکستان اور بینن کے درمیان دوطرفہ سیاسی مشاورت کے قیام کی مفاہمتی یادداشت پر دستخط کیے گئے۔

ترجمان کے مطابق مفاہمتی یادداشت کے تحت دونوں ممالک کے درمیان باقاعدہ سیاسی مذاکرات اور مشاورت کا فریم ورک قائم ہوگا۔ اس کے ذریعے پاکستان اور بینن باہمی دلچسپی کے علاقائی اور عالمی امور پر باقاعدگی سے مشاورت کر سکیں گے۔

ملاقات میں دونوں ممالک کے درمیان روابط کو مزید مستحکم کرنے اور مختلف شعبوں میں تعاون بڑھانے کے امکانات پر بھی گفتگو کی گئی۔

Deputy Prime Minister/Foreign Minister Senator Mohammad Ishaq Dar @MIshaqDar50 met Foreign Minister of Benin H.E. Ms. Corinne Amori Brunet on the sidelines of the 81st UNGA in New York.

The two Ministers signed an MoU on the Establishment of Bilateral Political Consultations… pic.twitter.com/pXehTWBCBv

— Ministry of Foreign Affairs - Pakistan (@ForeignOfficePk) September 25, 2026