نسان Z Kaze کانسیپٹ: کلاسک انداز اور جدید ٹیکنالوجی کا امتزاج

امریکہ : نسان نے اپنی Z سیریز کے مداحوں کے لیے Z Kaze Concept پیش کردیا ہے، جو جدید سپورٹس کار کو کلاسک Z ماڈلز کے ڈیزائن سے جوڑتا ہے۔ کانسیپٹ میں ریٹرو اسٹائل کے ساتھ جدید پرفارمنس اپ گریڈز بھی شامل کیے گئے ہیں۔

Z Kaze کی سب سے نمایاں خصوصیت T-top روف ہے، جو 280ZX اور 300ZX جیسے پرانے Z ماڈلز کی یاد دلاتی ہے۔ کار کو Pacific Teal رنگ میں تیار کیا گیا ہے جبکہ اس کی باڈی کو زیادہ چوڑا اور جارحانہ انداز دیا گیا ہے۔ کاربن فائبر ہُڈ، فینڈر فلیئرز اور ایرو کِٹ بھی اس کے ڈیزائن کا حصہ ہیں۔

نسان نے کانسیپٹ میں بحال کیے گئے 18 انچ کے ملٹی پیس NISMO LMGT2 وہیلز استعمال کیے ہیں۔ کار کے پرفارمنس پیکج میں NISMO سسپنشن اور GReddy کے مختلف انجن اجزا شامل ہیں، جن میں ایئر فلٹر، ایگزاسٹ اور فرنٹ ماؤنٹ انٹرکولر شامل ہیں۔

Z Kaze میں 3.0 لیٹر ٹوئن ٹربو V6 انجن موجود ہے، تاہم نسان نے اس مخصوص کانسیپٹ کی پاور آؤٹ پٹ ظاہر نہیں کی۔ اندرونی حصے میں لیدر سیٹس، کاربن فائبر ٹرِم اور Bose ہیڈ ریسٹ اسپیکرز دیے گئے ہیں۔

’’Kaze‘‘ جاپانی زبان کا لفظ ہے جس کے معنی ہوا ہیں۔ Z Kaze کو 23 سے 26 ستمبر تک فینکس، ایریزونا میں ہونے والے ZCON میں نمائش کے لیے پیش کیا جائے گا، جبکہ 3 اکتوبر کو اسے لانگ بیچ، کیلیفورنیا کے Japanese Classic Car Show میں بھی دکھایا جائے گا۔