افغان شہریوں کی مدد کے لیے پاکستان کا بڑا اقدام، کنٹرول روم قائم

اسلام آباد: افغانستان سے واپس جانے والے افغان شہریوں کی مشکلات اور ہراسانی کو دور کرنے کے لیے پاکستان نے ایک اہم قدم اٹھایا ہے اور فیڈرل کنٹرول روم قائم کر دیا ہے۔

اس کنٹرول روم کا مقصد افغان شہریوں کو وطن واپس جانے کے دوران پیش آنے والی کسی بھی قسم کی پریشانی، ہراسانی یا غیر مناسب سلوک کے خلاف فوری مدد فراہم کرنا ہے۔ حکومت نے اس سہولت کے لیے "آئی ایف آر پی ہیلپ لائن" شروع کی ہے جو دن رات فعال رہے گی۔

اگر کوئی افغان شہری واپسی کے دوران کسی قسم کی ہراسانی یا دیگر مشکلات کا سامنا کرے، تو وہ فوری طور پر درج ذیل نمبروں پر رابطہ کر سکتا ہے:

    ہیلپ لائن: 051-111-367-226

    غیر ملکی ہیلپ لائن: 051-567-222-111

    کنٹرول روم لینڈ لائن: 051-9211685

حکام کا کہنا ہے کہ یہ اقدام افغان شہریوں کی واپسی کو محفوظ، آرام دہ اور باعزت بنانے کے لیے ہے تاکہ ان کی مشکلات کا ازالہ کیا جا سکے۔