پنجاب حکومت کا فحاشی کے خاتمے کے لیے بڑا فیصلہ

لاہور : پنجاب حکومت نے تھیٹرز میں پھیلتی فحاشی کو روکنے کے لیے بڑا فیصلہ کیا ہے۔ وزیر اطلاعات پنجاب، عظمیٰ بخاری نے بتایا کہ اب تھیٹرز کی مانیٹرنگ اور ان سے متعلقہ اختیارات ضلعی انتظامیہ سے لے کر محکمہ انفارمیشن پنجاب کو منتقل کیے جائیں گے۔

عظمیٰ بخاری کے مطابق، ضلعی انتظامیہ نے فحاشی کے خاتمے کے لیے مناسب اقدامات نہیں کیے، جس کی وجہ سے تھیٹرز اور ڈراموں کے ذریعے فحاشی پھیل رہی ہے۔ انہوں نے کہا کہ یہ اقدام بہت جلد مکمل کر لیا جائے گا اور اس پر کام تیز رفتاری سے جاری ہے۔