بنوں آپریشن: سکیورٹی فورسز کا بڑا اقدام، دہشتگردوں کا بڑا نقصان، 6 دہشتگرد ہلاک، 4 زخمی

راولپنڈی: سکیورٹی فورسز نے بنوں میں خفیہ اطلاع پر کارروائی کرتے ہوئے دہشتگردوں کے خفیہ ٹھکانے کو کامیابی سے نشانہ بنایا، جس کے دوران 6 شدت پسند ہلاک اور 4 زخمی ہو گئے۔

پاک فوج کے شعبہ تعلقات عامہ (آئی ایس پی آر) کے مطابق یہ آپریشن مصدقہ اطلاعات کی بنیاد پر کیا گیا، جس میں فورسز نے انتہائی مہارت سے کارروائی کرتے ہوئے دہشتگردوں کے اہم مرکز کو تباہ کیا۔

کارروائی کے دوران دونوں طرف سے شدید فائرنگ کا تبادلہ ہوا، جس میں دہشتگردوں کو بھاری جانی نقصان کا سامنا کرنا پڑا۔

سکیورٹی اہلکاروں نے علاقے کا محاصرہ کرتے ہوئے کلیئرنس آپریشن شروع کر دیا ہے تاکہ کسی ممکنہ خطرے کو مکمل طور پر ختم کیا جا سکے۔

آئی ایس پی آر کا کہنا ہے کہ سکیورٹی فورسز ملک میں پائیدار امن کے قیام اور دہشتگردی کے خاتمے کے لیے پرعزم ہیں اور ایسی کارروائیاں مسلسل جاری رہیں گی۔