امجد صابری کی دسویں برسی منائی گئی، مداحوں کی جانب سے خراجِ عقیدت

کراچی: کراچی میں 23 دسمبر 1976 کو پیدا ہونے والے امجد صابری نے ابتدائی عمر میں اپنے والد اور چچا کے قافلے “صابری برادرز” کے ساتھ بطور کورس گلوکار اپنے فنی سفر کا آغاز کیا۔

ان کے مقبول کلاموں میں میں نظر کروں جانِ جگر، اللہ اللہ، دھوم مچا دو، کعبے کی رونق، کاش یہ دعا میری، علی میرا دل، پھر دکھا دے حرم اور طلوعِ سحر ہے شامِ قلندر شامل ہیں۔

امجد صابری کی پیش کردہ قوالیوں تاجدارِ حرم اور بھر دو جھولی نے انہیں عالمی سطح پر بے حد مقبولیت دلائی اور وہ اپنے مداحوں کے دلوں میں ہمیشہ کے لیے امر ہو گئے۔

انہوں نے قوالی کے فن کو جدید انداز میں پیش کرتے ہوئے اسے دنیا بھر میں نئی پہچان دی۔

حکومت پاکستان کی جانب سے انہیں ان کی فنی خدمات کے اعتراف میں پرائیڈ آف پرفارمنس اور تمغۂ حسنِ کارکردگی سے بھی نوازا گیا۔

امجد صابری کو 2016 میں کراچی میں فائرنگ کے ایک واقعے میں شہید کر دیا گیا تھا۔