پاکستان نے سنسنی خیز فائنل میں ایران کو ہرا کر ایشین انڈر 16 والی بال چیمپئن شپ جیت لی

پاکستان کی انڈر 16 والی بال ٹیم نے تھائی لینڈ میں ہونے والی ایشین انڈر 16 والی بال چیمپئن شپ میں تاریخ رقم کرتے ہوئے دفاعی چیمپئن ایران کو ہرا کر پہلا اعزاز جیتا۔ فائنل میں دونوں ٹیموں کے درمیان سخت مقابلہ دیکھنے کو ملا، جس میں پاکستان نے 3-2 سے کامیابی حاصل کی۔

پاکستان نے میچ کے ابتدائی دونوں سیٹس میں شکست کے باوجود زبردست واپسی کرتے ہوئے ایران کو ہرا دیا۔ میچ کا فائنل اسکور 22-25، 21-25، 30-28، 25-21 اور 15-10 رہا۔

پاکستان کے کھلاڑی محمد جنید اور فیضان اللہ نے شاندار کھیل پیش کیا اور ٹیم کی فتح میں اہم کردار ادا کیا۔

یہ پہلی مرتبہ تھا کہ پاکستان نے ایشین انڈر 16 والی بال چیمپئن شپ جیتی، جو ملک کے لئے ایک بڑا اعزاز ہے۔