چیئرمین جوائنٹ چیفس آف سٹاف کمیٹی اور سروسز چیفس کی جانب سے قوم کو یوم آزادی کی مبارکباد

اسلام آباد : پاک فوج نے یوم آزادی کے موقع پر اپنے عزم کا اعادہ کرتے ہوئے کہا ہے کہ پاکستان کی خودمختاری اور سالمیت کا ہر قیمت پر تحفظ کیا جائے گا۔ آئی ایس پی آر کے مطابق، چیئرمین جوائنٹ چیفس آف سٹاف کمیٹی اور سروسز چیفس کی جانب سے قوم کو یوم آزادی کی مبارکباد دی گئی اور یہ پیغام دیا گیا کہ مسلح افواج ہمیشہ وطن کے دفاع کے لیے تیار ہیں۔

پاک فوج کے سربراہان نے کہا کہ وطن کی حفاظت کے لیے کوئی بھی قربانی دینے میں دریغ نہیں کیا جائے گا۔ ان کا کہنا تھا کہ مسلح افواج اور قوم کا رشتہ بہت مضبوط ہے، اور یہی رشتہ ہماری طاقت کا حقیقی سرچشمہ ہے۔ ہم ایک مضبوط، خوشحال اور ترقی یافتہ پاکستان کے خواب کو حقیقت میں بدل کر دم لیں گے۔ یہ دن ہماری یکجہتی اور روشن مستقبل کی علامت ہے۔

انہوں نے بانیان پاکستان کو بھی خراجِ عقیدت پیش کیا، جن کی قربانیوں کی بدولت ہمیں آزادی نصیب ہوئی۔