چین کا امریکہ سے جوابی ٹیرف ختم کرنے کا مطالبہ، اقتصادی تعلقات کی بہتری کی کوشش

بیجنگ: چین نے امریکہ پر زور دیا ہے کہ وہ اپنی جوابی ٹیرف پالیسی کو مکمل طور پر ختم کرے۔ چینی وزارت تجارت کے ترجمان نے اپنے ایک بیان میں کہا کہ چین امریکہ سے امید کرتا ہے کہ وہ اپنی غلطیوں کو درست کرنے کے لیے اہم قدم اٹھائے اور جوابی ٹیرف جیسے منفی اقدامات کو ختم کر کے دونوں ممالک کے درمیان باہمی احترام کی بنیاد پر تعلقات کی تجدید کرے۔

یہ بیان امریکی کسٹمز اینڈ بارڈر پروٹیکشن آفس کی جانب سے جمعے کی رات جاری کردہ نوٹس کے بعد سامنے آیا، جس میں اسمارٹ فونز، لیپ ٹاپس، میموری چپس اور دیگر مصنوعات کو ان ٹیرف سے استثنیٰ دینے کا فیصلہ کیا گیا تھا جو صدر ڈونلڈ ٹرمپ کی جانب سے اس ماہ کے شروع میں عائد کیے گئے تھے۔

چینی وزارت تجارت نے کہا کہ امریکہ کا الیکٹرانک مصنوعات کو ٹیرف سے استثنیٰ دینا ایک مختصر قدم ہے، اور چین اس فیصلے کے اثرات کا بغض سے جائزہ لے رہا ہے۔ اس استثنیٰ کا فائدہ ڈیل، اینویڈیا اور ایپل جیسی بڑی امریکی ٹیکنالوجی کمپنیوں کو ہوگا، جو چین پر انحصار کرتی ہیں اپنی مصنوعات تیار کرنے کے لیے۔

یاد رہے کہ زیادہ تر چینی مصنوعات پر امریکہ کی جانب سے 145 فیصد ٹیرف بدستور عائد ہے، جبکہ چین نے بھی امریکی مصنوعات پر 125 فیصد ٹیرف لاگو کر رکھا ہے۔-