دھرمیندرا کی طبیعت ناساز، ہسپتال منتقل کر دیا گیا

ممبئی: بالی وڈ کے لیجنڈری اداکار دھرمیندرا کی طبیعت خراب ہو گئی ہے اور انہیں ممبئی کے بریچ کینڈی ہسپتال میں داخل کرایا گیا ہے۔ 89 سالہ اداکار اس وقت وینٹی لیٹر پر ہیں اور انہیں آئی سی یو میں منتقل کیا گیا ہے۔

بھارتی میڈیا کے مطابق، دھرمیندرا گزشتہ کچھ دنوں سے علیل تھے اور آج صبح ان کی حالت بگڑ گئی، جس کے بعد انہیں فوری طور پر ہسپتال منتقل کیا گیا۔ اس دوران اہلِ خانہ کی ہسپتال آمد میں اضافہ دیکھنے کو ملا ہے، تاہم ابھی تک نہ تو خاندان کی طرف سے اور نہ ہی ہسپتال کی جانب سے کوئی باضابطہ بیان آیا ہے۔

رپورٹس میں یہ بھی بتایا گیا کہ دھرمیندرا کو پچھلے ہفتے بھی سانس لینے میں مشکل پیش آئی تھی، جس کے بعد انہیں ہسپتال لے جایا گیا تھا۔ اس کے علاوہ، رواں سال اپریل میں ان کی آنکھ کی سرجری بھی کی گئی تھی۔