شمالی کوریا نے ایران پر امریکا اور اسرائیلی حملوں کی مذمت کر دی

سیول : شمالی کوریا نے امریکا اور اسرائیل کے ایران پر حملوں کو غیر قانونی قرار دیا اور کہا کہ یہ خطے میں امن و سلامتی کے لیے خطرہ ہیں اور عالمی استحکام کو نقصان پہنچا رہی ہیں۔ وزارت خارجہ کے ترجمان نے کہا کہ ایسے اقدامات برداشت نہیں کیے جا سکتے اور مسترد کیے جانے چاہئیں۔

شمالی کوریا نے ایرانی عوام کے نئے سپریم لیڈر کے انتخاب کا احترام کرنے کا بھی اعلان کیا۔ اسی دوران، شمالی کوریا نے کروز میزائل کا تجربہ کیا اور صدر کم جونگ ان نے بحری جہازوں کو جدید سپر سونک ہتھیاروں سے لیس کرنے کی ضرورت پر زور دیا۔