امریکی بحریہ نے آبنائے ہرمز میں جہازوں کی حفاظت سے انکار کر دیا

واشنگٹن : امریکا کی بحریہ نے ایران کے خلاف کشیدگی کے دوران آبنائے ہرمز سے گزرنے والے تجارتی جہازوں کو فوجی حفاظت فراہم کرنے کی درخواستیں رد کر دی ہیں۔ بحریہ کا کہنا ہے کہ اس وقت حملوں کا خطرہ بہت زیادہ ہے، اس لیے جہازوں کو محفوظ کرنا ممکن نہیں۔

یہ موقف امریکی صدر کے حالیہ بیان سے مختلف ہے، جس میں انہوں نے کہا تھا کہ ضرورت پڑنے پر امریکا جہازوں کو بحری تحفظ دے گا تاکہ تیل کی ترسیل دوبارہ شروع ہو سکے۔ امریکی اور اسرائیلی کارروائیوں کی وجہ سے آبنائے ہرمز سے تیل کی تجارت معطل ہے اور عالمی منڈی میں تیل کی قیمتیں بلند ترین سطح پر پہنچ گئی ہیں۔