پاکستان سٹاک مارکیٹ نے نئی بلندیوں کو چھو لیا

کراچی :  پاکستان  سٹاک مارکیٹ نے ایک نیا ریکارڈ قائم کرتے ہوئے اپنی تاریخ کی بلند ترین سطح کو عبور کیا۔ کاروباری ہفتے کے آخری دن مارکیٹ میں زبردست تیزی دیکھنے کو ملی، اور ہنڈرڈ انڈیکس 1800 پوائنٹس کے اضافے کے ساتھ ایک لاکھ 20 ہزار 793 پوائنٹس تک پہنچ گیا۔

گزشتہ روز کے اختتام پر سٹاک مارکیٹ 1131 پوائنٹس کے اضافے کے ساتھ ایک لاکھ 18 ہزار 938 پوائنٹس پر بند ہوئی تھی، جو کہ بھی ایک اہم کامیابی تھی۔

دوسری طرف، امریکی صدر ڈونلڈ ٹرمپ کی طرف سے کئی ممالک پر ٹیرف عائد کرنے کے بعد امریکا کی سٹاک مارکیٹس میں شدید مندی آئی۔ اس مندی کی وجہ سے سرمایہ کاروں کے کھربوں ڈالر ڈوب گئے اور امریکی مارکیٹس 2020 کے بعد سے سب سے بڑی گراوٹ کا سامنا کر رہی ہیں۔