مشرقِ وسطیٰ کے تناؤ کے بیچ 'ویلیو بائینگ' سے مارکیٹ مستحکم، 1266 پوائنٹس کی ریکوری

کراچی: گزشتہ روز کی تاریخی گراوٹ کے بعد آج پاکستان اسٹاک ایکسچینج (PSX) میں سرمایہ کاروں نے "انتظار کرو اور دیکھو" کی پالیسی ترک کرتے ہوئے نچلی قیمتوں پر خریداری کو ترجیح دی، جس کے باعث ہنڈرڈ انڈیکس میں نمایاں بہتری دیکھی گئی۔آج کے سیشن میں انڈیکس نے گزشتہ روز کے نقصان کا ایک بڑا حصہ ریکور کر لیا ہے۔1,266 پوائنٹس اضافہ ہوا۔ ۔    تازہ ترین انڈیکس: 1,53,239 پوائنٹس ہے۔    گزشتہ کل کی بندش: 1,51,972 پوائنٹس پر تھی۔ 
مارکیٹ ذرائع کے مطابق، آج کی تیزی ان تین عوامل کا نتیجہ ہے۔  گزشتہ روز کی مندی کے بعد کئی بڑے اداروں (Blue-chip Stocks) کے شیئرز کی قیمتیں انتہائی کم سطح پر آ گئی تھیں، جس نے سرمایہ کاروں کو خریداری کی طرف مائل کیا۔ انڈیکس کا 1 لاکھ 51 ہزار کی سطح سے واپس مڑنا تکنیکی طور پر ایک مثبت اشارہ ثابت ہوا۔
 اگرچہ مشرقِ وسطیٰ میں کشیدگی برقرار ہے، لیکن عالمی منڈیوں میں خام تیل کی قیمتوں میں استحکام کی امید نے مقامی انویسٹرز کا حوصلہ بڑھایا۔سٹاک ماہرین کا کہنا ہے کہ "مارکیٹ نے غیر معمولی دباؤ کے باوجود خود کو سنبھالا ہے، تاہم سرمایہ کاروں کو صدر ٹرمپ کے حالیہ بیانات اور مشرقِ وسطیٰ کی صورتحال کے پیشِ نظر محتاط رہنا چاہیے۔"