پاکستان سٹاک مارکیٹ میں شدید مندی کے بعد ریکوری، انڈیکس1 لاکھ 15 ہزار پوائنٹس تک پہنچ گیا

کراچی :پاکستان سٹاک مارکیٹ میں گزشتہ دنوں امریکی صدر ڈونلڈ ٹرمپ کے عالمی سطح پر ٹیرف کے اقدامات کے اثرات دیکھے گئے، جس کے نتیجے میں 8,000 پوائنٹس تک کی کمی واقع ہوئی۔ تاہم، بعد ازاں مارکیٹ میں 50 فیصد کی ریکوری آئی، اور 100 انڈیکس 3,600 پوائنٹس کی کمی کے ساتھ 1 لاکھ 15 ہزار تک پہنچ گیا۔

پاکستان سٹاک ایکسچینج میں شدید مندی کے باعث سرمایہ کاروں نے کئی اربوں روپے کا نقصان اٹھایا، اور مارکیٹ کی حالت اتنی خراب ہوئی کہ ٹریڈنگ کو 45 منٹ کے لیے روکنا پڑا۔ یہ کمی پاکستان سٹاک مارکیٹ میں 2020 کے بعد کی سب سے بڑی مندی سمجھی جا رہی ہے۔

امریکہ، یورپ اور ایشیاء کے دیگر بازاروں پر بھی اسی طرح کے اثرات مرتب ہوئے ہیں، اور ان کے انڈیکس میں کمی دیکھی گئی ہے۔