لوڈشیڈنگ کوتاہی نہیں، گیس کی کمی کا نتیجہ تھی؛ پروپیگنڈا کرنے والے مایوس ہوں گے، وزیر توانائی

اسلام آباد : وفاقی وزیر اویس لغاری نے بعض حلقوں کی جانب سے پھیلائی جانے والی غلط فہمیوں کو مسترد کرتے ہوئے کہا ہے کہ ملک میں بجلی کی پیداواری صلاحیت کا کوئی مسئلہ نہیں ہے۔ انہوں نے کہا کہ ہم نے مہنگی بجلی پیدا کر کے عوام پر بوجھ ڈالنے کے بجائے گیس کا انتظار کیا تاکہ سستی بجلی فراہم کی جا سکے۔
 ڈیزل اور فرنس آئل سے پیدا ہونے والی بجلی انتہائی مہنگی ہے، جس سے بچنے کے لیے عارضی لوڈ مینجمنٹ کی گئی۔ ایل این جی ملتے ہی تمام گیس پاور پلانٹس فعال کر دیے گئے ہیں اور اب بجلی کی طلب و رسد میں کوئی فرق نہیں رہا۔وزیر توانائی نے گزشتہ دو ہفتوں کی تکلیف کو عالمی سپلائی چین کے مسائل کا نتیجہ قرار دیا۔

لوڈ مینجمنٹ کے خاتمے کے متعلق وفاقی وزیر توانائی سردار اویس احمد خان لغاری کا اہم پیغام:
الحمدللہ، ایل این جی کی بروقت فراہمی کے بعد ملک میں بجلی کی لوڈ مینجمنٹ کا خاتمہ کر دیا گیا ہے۔ حالیہ دنوں میں گیس کی کمی کے باعث محدود وقت کے لیے لوڈ شیڈنگ کرنا پڑی، تاہم حکومت نے ذمہ دارانہ… pic.twitter.com/2ZCEPGDPGK

— Awais Leghari (@akleghari) May 1, 2026