پاکستان نے بھارت میں مسلمانوں پر بڑھتے حملوں پر عالمی برادری سے نوٹس لینے کا مطالبہ کر دیا

اسلام آباد:پاکستان نے بھارت میں مسلمانوں کے خلاف بڑھتے اسلاموفوبیا کے واقعات پر شدید تشویش کا اظہار کیا ہے اور عالمی برادری سے مطالبہ کیا ہے کہ وہ اس سنگین مسئلے کو نظر انداز نہ کرے۔

دفتر خارجہ کے ترجمان نے کہا کہ مسلمانوں کو نشانہ بنانا، نفرت انگیز تقاریر اور امتیازی پالیسیوں کا بڑھنا نہ صرف انسانی حقوق کی خلاف ورزی ہے بلکہ یہ علاقائی امن کے لیے بھی خطرناک ہے۔ انہوں نے کہا کہ مذہبی منافرت کو سیاسی یا نظریاتی مقاصد کے لیے استعمال کرنا افسوسناک ہے۔

پاکستان نے بھارتی حکومت سے کہا ہے کہ تمام شہریوں کو مذہبی آزادی اور مساوی حقوق فراہم کیے جائیں تاکہ امن قائم رہے۔