پاکستانی فضائی حدود کی بندش سے بھارتی ایوی ایشن متاثر، ایئر انڈیا سمیت کئی کمپنیوں پر دباؤ

اسلام آباد: پاکستانی فضائی حدود کی بندش کے باعث بھارتی فضائی شعبے کو مشکلات کا سامنا ہے، جبکہ ایئر انڈیا سمیت بھارتی ایئر لائنز کے آپریشنز پر اضافی اخراجات کا بوجھ بڑھ گیا ہے۔

رپورٹس کے مطابق فضائی راستوں کی عدم دستیابی کے باعث بھارتی طیاروں کو طویل متبادل روٹس اختیار کرنا پڑ رہے ہیں، جس سے ایندھن کے اخراجات، پروازوں کے دورانیے اور آپریشنل مسائل میں اضافہ ہوا ہے۔

ایوی ایشن ماہرین کے مطابق فضائی حدود کی بندش کا اثر طویل فاصلے کی پروازوں پر زیادہ پڑ رہا ہے، جبکہ ایئر لائنز کو شیڈولنگ اور مالی دباؤ جیسے چیلنجز کا سامنا ہے۔

ذرائع کے مطابق بھارتی فضائی شعبہ ان مشکلات کے باعث دباؤ میں ہے اور فضائی راستوں کی صورتحال ایئر لائنز کے لیے ایک اہم چیلنج بنی ہوئی ہے۔