پنجاب حکومت نے نوجوانوں کے لیے بڑا تحفہ دیا: 30 ہزار نئی اسکالرشپس دی جائیں گی

لاہور : پنجاب حکومت نے وزیر اعلیٰ ہونہار انڈر گریجویٹ اسکالرشپ پروگرام کے تحت 30 ہزار نئی اسکالرشپس دینے کا اعلان کیا ہے۔ اس اسکالرشپ کے ذریعے طلبہ کی پوری ٹیوشن فیس ادا کی جائے گی، جس سے خاص طور پر کم اور متوسط آمدنی والے گھرانوں کے نوجوان بہت فائدہ اٹھا سکیں گے۔

اس پروگرام کا مقصد یہ ہے کہ طلبہ طب، سائنس، آرٹس اور دوسرے شعبوں میں اپنی تعلیم مکمل کر سکیں۔ اسکالرشپ کے لیے ضروری ہے کہ امیدواروں نے ایف اے، ایف ایس سی یا آئی سی ایس میں کم از کم 70 فیصد نمبر حاصل کیے ہوں، وہ پنجاب کے باشندے ہوں اور ان کے خاندان کی ماہانہ آمدنی ساڑھے 3 لاکھ 50 ہزار روپے سے زیادہ نہ ہو۔

دلچسپی رکھنے والے طلبہ اپنی درخواستیں پنجاب ہائر ایجوکیشن کمیشن کے آن لائن پورٹل پر جمع کروا سکتے ہیں۔ کاغذی درخواستیں قبول نہیں کی جائیں گی۔ درخواست دینے کی آخری تاریخ 15 ستمبر 2025 ہے۔یہ موقع نوجوانوں کے تعلیمی سفر کو آسان بنانے کے لیے ایک بہترین قدم ہے۔