عراقی کردستان کی خور مور گیس فیلڈ پر ڈرون حملہ، کئی زخمی

بغداد: خور مور گیس فیلڈ پر آج ایک ڈرون حملہ ہوا جس کے نتیجے میں گیس فیلڈ میں آگ بھڑک اُٹھی۔ غیر ملکی میڈیا کے مطابق، حملے کے دوران کئی ملازمین زخمی ہوگئے، جنہیں فوری طور پر ہسپتال منتقل کیا گیا۔

اس حملے کے بعد، عراق کے کردستان علاقے میں گیس کی فراہمی بھی متاثر ہوئی ہے، اور پاور سٹیشنز کو گیس کی سپلائی روک دی گئی۔ عراق کی وزارت قدرتی وسائل اور وزارت بجلی نے کہا ہے کہ اس واقعے کی تحقیقات جاری ہیں تاکہ حملے کے اسباب اور اس کے اثرات کا جائزہ لیا جا سکے۔