پورشے کی نئی 911 چیلنج ریس کار، کم قیمت میں GT3 کا ریسنگ تجربہ

پورشے نے موٹرسپورٹس کے شوقین افراد کے لیے نئی 911 Challenge متعارف کرادی ہے، جو 911 GT3 پر مبنی ایک فیکٹری بلٹ ریس کار ہے۔ کمپنی نے اس ماڈل کو اپنی مختلف ون میک ریسنگ سیریز کے لیے تیار کیا ہے، تاہم مستقبل میں اسے ٹریک ڈے کے شوقین افراد بھی خرید سکیں گے۔

نئی 911 Challenge کی ابتدائی قیمت 275,000 ڈالر رکھی گئی ہے، جو 911 GT3 Cup اور 911 GT4 R کے مقابلے میں کافی کم ہے۔ دونوں ریسنگ ماڈلز کی قیمت تقریباً 375,500 ڈالر سے شروع ہوتی ہے۔

کار میں 4.0 لیٹر فلیٹ سکس انجن استعمال کیا گیا ہے، جو 508 ہارس پاور پیدا کرتا ہے۔ پاور کو سات اسپیڈ PDK گیئر باکس کے ذریعے پچھلے پہیوں تک پہنچایا جاتا ہے، جبکہ ڈرائیور کو مینوئل اور آٹومیٹک دونوں شفٹنگ موڈز دستیاب ہیں۔

پورشے نے 911 Challenge میں کئی ایسے فیچرز برقرار رکھے ہیں جو عام GT3 میں بھی دیکھنے کو ملتے ہیں۔ ان میں ABS، ٹریکشن اور اسٹیبلٹی کنٹرول کے ساتھ Torque Vectoring Plus شامل ہیں۔ دوسری جانب ریسنگ ضروریات کے تحت گاڑی میں سلِک ٹائرز، اسٹیل ریسنگ بریکس، مخصوص سسپنشن ٹیوننگ اور ایڈجسٹ ایبل ریئر اینٹی رول بار شامل کیا گیا ہے۔

حفاظت کے لیے گاڑی میں ویلڈیڈ رول کیج، چھ نکاتی ریسنگ ہارنس، FIA معیار کا فیول سیل، فائر سپریشن سسٹم اور ریسنگ سیٹ دیا گیا ہے۔ اضافی ریسنگ آلات کے باوجود اس کا وزن تقریباً 3,250 پاؤنڈ ہے۔

911 Challenge کو ابتدائی طور پر مختلف پورشے ریسنگ چیمپئن شپ میں شامل کیا جائے گا۔ امریکہ میں بھی یہ متعدد پورشے ون میک سیریز کے لیے اہل ہوگی۔

پورشے کے مطابق پہلے مرحلے میں ان صارفین کو ترجیح دی جائے گی جو باقاعدہ ریسنگ میں حصہ لینا چاہتے ہیں۔ اس کے بعد 2027 کے آخر میں گاڑی کو ان افراد کے لیے بھی دستیاب کرنے کا منصوبہ ہے جو صرف ٹریک پر ڈرائیونگ کا تجربہ حاصل کرنا چاہتے ہیں۔ چونکہ یہ ریسنگ کار ہے، اس لیے اسے عام سڑکوں پر قانونی طور پر چلانے کی اجازت نہیں ہوگی۔