بیجنگ : چین نے اپنے شہریوں کو جاپان کا سفر کرنے سے ایک بار پھر احتیاط برتنے کی ہدایت دی ہے۔ چینی سفارتخانے نے اپنے بیان میں کہا کہ کئی چینی شہریوں کو جاپان میں بے بنیاد توہین اور جسمانی تشدد کا سامنا کرنا پڑا، جس کے باعث جاپان میں موجود چینی شہریوں کے لیے حفاظتی انتظامات مزید سخت کرنے کی ضرورت پیش آئی ہے۔
یہ فیصلے جاپانی وزیرِ اعظم کے تائیوان کے حوالے سے متنازعہ بیانات کے نتیجے میں دونوں ممالک کے تعلقات میں پیدا ہونے والی کشیدگی کے پس منظر میں لیے گئے ہیں۔ اس کشیدگی کے بعد چین نے پہلی بار 14 نومبر کو اپنے شہریوں کو جاپان کا سفر نہ کرنے کی ہدایت کی تھی۔
اب یہ دیکھنا دلچسپ ہوگا کہ آیا دونوں ممالک کے درمیان یہ تنازعہ مزید شدت اختیار کرتا ہے یا کسی معاہدے کے ذریعے اس پر قابو پایا جاتا ہے۔
NaiBaat | Copyright © 2026
