الیکشن کمیشن کا اہم فیصلہ، 10 سابق ارکان قومی اسمبلی سمیت سندھ اور بلوچستان اسمبلی کے 14 ممبران کو نا اہل قرار دے دیاگیا

اسلام آباد: الیکشن کمیشن آف پاکستان نے اثاثوں کی تفصیلات جمع نہ کرانے والے اراکین پارلیمنٹ کے خلاف فیصلہ جاری کرتے ہوئے قومی اسمبلی کے 10، سندھ اسمبلی کے 7 اور بلوچستان اسمبلی کے 7 سابق ممبران کو نا اہل قرار دے دیا ہے۔

یہ نا اہلی مالی سال 2022-2023 کے اثاثوں کے فارم بی جمع نہ کرانے کی وجہ سے ہوئی ہے۔ ان ارکان کو اب تک تمام انتخابات میں حصہ لینے سے روک دیا گیا ہے جب تک وہ اپنے اثاثوں کی تفصیلات فراہم نہیں کرتے۔

الیکشن کمیشن نے ان میں قومی اسمبلی کے ارکان خرم دستگیر، محسن نواز رانجھا اور محمد عادل کو نا اہل قرار دیا ہے۔ اس کے علاوہ، سندھ اسمبلی کے عدیل احمد، حزب اللہ بھگیو، ارسلان تاج حسین اور بلوچستان اسمبلی کے میر سکندر علی، میر محمد اکبر سمیت دیگر ارکان بھی اس فیصلے کا شکار ہوئے ہیں۔