پاکستان اور آئی ایم ایف کے درمیان مذاکرات کامیاب،سٹاف لیول معاہدہ طےپاگیا

اسلام آباد: پاکستان اور عالمی مالیاتی فنڈ (آئی ایم ایف) کے درمیان 2 ارب ڈالر کے قرض کے لیے سٹاف لیول معاہدہ طے پا گیا ہے۔ اس معاہدے کے تحت پاکستان کو آئی ایم ایف کی توسیعی فنڈ فیسیلیٹی کے تحت ایک ارب ڈالر ملیں گے، جبکہ موسمیاتی تبدیلیوں اور قدرتی آفات سے نمٹنے کے لیے 1.3 ارب ڈالر کا قرض بھی فراہم کیا جائے گا۔

آئی ایم ایف نے کہا کہ اس معاہدے کی حتمی منظوری آئی ایم ایف کے بورڈ سے ملے گی۔ پاکستان کو اس قرض کے ذریعے اپنی معیشت کو مستحکم کرنے میں مدد ملے گی، اور یہ پروگرام 37 ماہ تک جاری رہے گا۔

آئی ایم ایف نے پاکستان کی معیشت کی حالت میں بہتری کی تصدیق کرتے ہوئے کہا کہ ملک میں افراط زر کم ہو چکا ہے اور اقتصادی سرگرمیاں بتدریج بڑھ رہی ہیں۔ تاہم، پاکستان کو اب بھی موسمیاتی خطرات کا سامنا ہے، جس پر آئی ایم ایف پاکستان کی مدد جاری رکھے گا۔

معاہدے کے تحت پاکستان میں توانائی کے شعبے میں اصلاحات کی حمایت کی جائے گی، اور اس کے ذریعے توانائی کی قیمتوں میں کمی کی توقع ہے۔ آئی ایم ایف نے اس بات پر بھی زور دیا کہ پاکستان کو سماجی تحفظ، تعلیم، اور صحت کے شعبے کے لیے بجٹ بڑھانا ہوگا اور پانی کے وسائل کا بہتر استعمال کرنا ہوگا۔