چلاس میں لینڈ سلائیڈنگ کے باعث فیری میڈوز روڈ بند، سیاحوں کی ریسکیو کارروائیاں جاری

چلاس : دیامر کے علاقے چلاس میں لینڈ سلائیڈنگ کے باعث سیاحتی مقام فیری میڈوز کی سڑک بند ہو گئی ہے، جس کے نتیجے میں کئی سیاح پھنس گئے ہیں۔ ریسکیو آپریشن جاری ہے اور متاثرین کو بچانے کی کوششیں کی جا رہی ہیں۔

ذرائع کا کہنا ہے کہ گزشتہ روز فیری میڈوز میں پھنسے سیاحوں کو ہیلی کاپٹر کے ذریعے نکالا گیا تھا، لیکن خراب موسم کی وجہ سے ہیلی کاپٹر سروس روک دی گئی ہے، جس کی وجہ سے زمینی راستوں سے ریسکیو کا عمل جاری ہے۔

پولیس نے بتایا کہ چلاس روڈ کے متعدد حصے لینڈ سلائیڈنگ کی وجہ سے بند ہیں جبکہ تھورمنیار میں بھی شاہراہ قراقرم عارضی طور پر بند کر دی گئی ہے۔

ڈپٹی کمشنر نے تصدیق کی کہ این ڈی ایم اے کی ٹیمیں متاثرہ علاقوں میں موجود ہیں اور لاپتا افراد کی تلاش کے لیے پاک فوج سمیت دیگر ادارے بھی آپریشن میں حصہ لے رہے ہیں۔

فیری میڈوز کی بند سڑک کے باعث ابھی بھی متعدد سیاح مقامات پر پھنسے ہوئے ہیں اور ریسکیو ٹیمیں ان تک رسائی کے لیے کوشاں ہیں۔