پاکستان اور ترکیہ کا فلسطینی عوام سے مکمل یکجہتی کا اظہار، غزہ میں فوری امداد کا مطالبہ

اسلام آباد : پاکستان اور ترکیہ نے فلسطینی عوام کے ساتھ اپنی بھرپور حمایت کا اعلان کیا ہے اور غزہ میں فوری انسانی مدد فراہم کرنے پر زور دیا ہے۔

نائب وزیراعظم اسحاق ڈار نے جدہ میں او آئی سی اجلاس کے دوران ترکیہ کے وزیر خارجہ حکان فیدان سے ملاقات کی، جہاں دونوں نے ترکیہ کے اہم کردار کو سراہا۔

دونوں رہنماؤں نے فلسطین کے ساتھ یکجہتی کا اعادہ کیا اور غزہ میں موجود انسانی بحران پر گہری تشویش کا اظہار کیا۔ انہوں نے کہا کہ فوری امداد پہنچانا بہت ضروری ہے۔

اس کے علاوہ، پاکستان اور ترکیہ نے اپنے تعلقات کو مزید مضبوط کرنے اور مختلف شعبوں میں تعاون بڑھانے پر بھی اتفاق کیا۔