ایران نے یورپی یونین کی بحری اور فضائی افواج کو دہشت گرد تنظیم قرار دے دیا

تہران : ایران نے یورپی یونین کے رکن ممالک کی بحری اور فضائی افواج کو دہشت گرد تنظیم قرار دے دیا ہے۔ ایرانی وزارتِ خارجہ کا کہنا ہے کہ یہ فیصلہ یورپی یونین کے اس حالیہ اقدام کا جواب ہے جس میں ایران کی پاسدارانِ انقلاب کو دہشت گرد تنظیموں کی فہرست میں شامل کیا گیا تھا۔

وزارتِ خارجہ نے اس فیصلے کو غیر قانونی اور نامناسب قرار دیتے ہوئے کہا کہ پاسدارانِ انقلاب کو دہشت گرد تنظیموں کی فہرست میں شامل کرنا بین الاقوامی قوانین اور اقوام متحدہ کے منشور کی خلاف ورزی ہے۔ ایران نے اس اقدام کو یورپی یونین کے فیصلے کے ردعمل کے طور پر بیان کیا ہے۔