گورنر پنجاب کا کسانوں کو گندم کی مکمل قیمت دینے کا مطالبہ

لاہور: گورنر پنجاب سردار سلیم حیدر نے کہا ہے کہ صوبے کے کسانوں کو فوری طور پر گندم کی پوری قیمت ادا کی جائے کیونکہ وہ اس وقت شدید مشکلات کا شکار ہیں۔

انہوں نے پیپلز پارٹی کے رہنماؤں اور علما مشائخ سے ملاقات کے دوران کہا کہ پارٹی کسانوں کے حقوق کے لیے آواز اٹھاتی رہے گی۔ سردار سلیم حیدر نے کہا کہ پیپلز پارٹی پنجاب میں اپنی سیاسی پوزیشن کو مستحکم کرنے کے لیے سرگرم ہے اور سیالکوٹ کے حلقہ پی پی 52 کے ضمنی انتخابات میں بھرپور مہم چلائے گی۔

گورنر نے پیپلز پارٹی کے چیئرمین بلاول بھٹو زرداری کی سیاسی حکمت عملی کی تعریف کرتے ہوئے کہا کہ وہ مفاہمت کی سیاست کے حامی ہیں۔ تاہم، ان کا کہنا تھا کہ پارٹی کسی بھی جماعت کو سیاسی میدان میں گزرنے کی اجازت نہیں دے گی۔

انہوں نے اس موقع پر کسانوں کے مسائل پر بھی بات کی اور کہا کہ کسانوں کی فلاح و بہبود کے لیے حکومت کو فوری اقدامات کرنے چاہیے۔