حماس نے فلسطینی ریاست کی مغربی ممالک کی جانب سے تسلیم کو فلسطینی عوام کی فتح قرار دے دیا

غزہ : حماس نے مغربی ممالک کی طرف سے فلسطینی ریاست کو تسلیم کرنا فلسطینی عوام کے حق میں ایک بڑی کامیابی قرار دیا ہے۔ حماس کے مطابق یہ تسلیم فلسطینی زمین اور مقدسات کے حق کی عالمی سطح پر تصدیق ہے۔

حماس نے عالمی برادری سے مطالبہ کیا ہے کہ القدس کو فلسطینی ریاست کا دارالحکومت تسلیم کیا جائے۔ ساتھ ہی انہوں نے زور دیا کہ صرف فلسطینی ریاست کا تسلیم کافی نہیں، بلکہ غزہ میں جاری جنگ کو فوری ختم کیا جائے اور مغربی کنارے میں یہودی بستیوں کی تعمیر اور توسیع کو روکا جائے۔

مزید برآں، حماس نے عالمی برادری پر زور دیا ہے کہ وہ اسرائیل کے ساتھ تمام تعاون بند کرے اور اسرائیلی قیادت کو ان کے انسانی حقوق کی خلاف ورزیوں اور جرائم کے لیے انصاف کے کٹہرے میں لایا جائے۔