ٹرمپ کے ایران سے معاہدے پر تحفظات برقرار

واشنگٹن: امریکی صدر ڈونلڈ ٹرمپ نے آبنائے ہرمز پر مکمل کنٹرول کا دعویٰ کرتے ہوئے کہا ہے کہ امریکا آبنائے کے زمینی علاقوں پر بھی کنٹرول رکھتا ہے۔ ٹرمپ نے ایران کے خلاف اقتصادی دباؤ جاری رکھنے کا عندیہ دیتے ہوئے کہا کہ فوجی آپشنز بھی بدستور موجود ہیں۔

ڈونلڈ ٹرمپ کا کہنا ہے کہ ایران معاہدہ کرنا چاہتا ہے، تاہم تہران ایک بہتر معاہدے کے لیے تیار نہیں۔ امریکی صدر نے ایران پر دباؤ برقرار رکھنے اور اپنے تمام ممکنہ آپشنز کھلے رکھنے کا مؤقف اختیار کیا ہے۔

انہوں نے آبنائے ہرمز کی صورتحال کو بھی اہم قرار دیتے ہوئے امریکی کنٹرول کا دعویٰ کیا، تاہم حالیہ رپورٹس کے مطابق آبنائے پر مکمل کنٹرول حاصل کرنا امریکا کے لیے ایک پیچیدہ چیلنج ہے اور خطے میں کشیدگی بدستور برقرار ہے۔

دوسری جانب ٹرمپ نے مڈٹرم انتخابات میں ریپبلکن پارٹی کی ممکنہ شکست کی صورت میں اپنے مواخذے کے خدشے کا بھی اظہار کیا ہے۔ 2026 کے مڈٹرم انتخابات سے قبل ایران جنگ، مہنگائی اور توانائی کی قیمتیں امریکی سیاست میں اہم موضوعات بن چکی ہیں۔