ارجن رامپال نے دیرینہ سے اچانک شادی کر لی، مداح حیران رہ گئے

ممبئی: بالی ووڈ اداکار ارجن رامپال اور ان کی طویل عرصے سے ساتھی گیبریلا ڈیمیٹریڈس نے اپنے رشتے کو قانونی شکل دے دی ہے۔ میڈیا رپورٹس کے مطابق دونوں نے گوا میں اپنی شادی رجسٹر کرالی، جس کے بعد وہ باضابطہ طور پر میاں بیوی بن گئے ہیں۔

ارجن رامپال اور گیبریلا 2018 سے ایک دوسرے کے ساتھ ہیں۔ کئی برسوں پر محیط اس تعلق کے دوران دونوں نے ایک خاندان بھی قائم کیا۔ جوڑے کے دو بیٹے ہیں، جن میں بڑے بیٹے ارک کی پیدائش 2019 میں ہوئی، جبکہ دوسرے بیٹے آراو نے 2023 میں جنم لیا۔

رپورٹس کے مطابق شادی کی قانونی کارروائی کے لیے درکار تمام مراحل مکمل کیے گئے، جس کے بعد ان کے رشتے کو باقاعدہ ازدواجی حیثیت حاصل ہوگئی۔ شادی کی خبر اچانک سامنے آنے پر ارجن اور گیبریلا کے مداحوں نے خاصی دلچسپی کا اظہار کیا۔

گیبریلا ڈیمیٹریڈس کا تعلق جنوبی افریقہ سے ہے اور وہ ماڈلنگ کے ساتھ فیشن ڈیزائننگ کے شعبے میں بھی کام کرتی ہیں۔ ارجن رامپال ماضی میں گیبریلا کے ساتھ اپنی منگنی کی تصدیق کرچکے ہیں۔

دونوں کو اکثر اپنے بچوں کے ہمراہ وقت گزارتے اور خاندانی لمحات سوشل میڈیا پر شیئر کرتے دیکھا جاتا ہے۔ طویل عرصے تک ساتھ رہنے کے بعد اب ان کے رشتے کو قانونی حیثیت ملنے کی خبر نے بالی ووڈ حلقوں اور مداحوں کی توجہ حاصل کرلی ہے۔