سندھ حکومت اور چین کے تعاون سے کراچی میں منی ٹرک کی اسمبلنگ لائن قائم کرنے کا اعلان

کراچی: حکومت سندھ اور چین کے درمیان اشتراک سے منی ٹرک کی اسمبلنگ لائن بہت جلد کراچی میں قائم کی جائے گی۔ سینئر وزیر شرجیل انعام میمن نے کہا کہ چینی سرمایہ کار کراچی میں پلانٹ لگانے کے لیے تیار ہیں، جس سے کاروباری افراد اور مختلف گروپوں کو فائدہ ہوگا۔ انہوں نے یہ بھی اعلان کیا کہ سندھ بھر میں الیکٹرک گاڑیوں کے لیے چارجنگ اسٹیشنز جلد قائم کیے جائیں گے۔

چین میں ہونے والی سپر منی ٹرک کی رونمائی تقریب میں سندھ کے سینئر وزیر شرجیل انعام میمن، صوبائی وزیر سید ناصر حسین شاہ اور دیگر حکام نے شرکت کی۔ شرجیل انعام میمن نے کہا کہ سپر منی ٹرک منصوبہ پاکستان اور چین کے درمیان صنعتی تعاون اور تکنیکی اشتراک کی بہترین مثال ہے، جو دونوں ممالک کے لیے ترقی اور خوشحالی کے نئے دروازے کھولے گا۔

سپر منی ٹرک ایک نیا اور انقلابی منصوبہ ہے جو شہری و دیہی علاقوں میں لاجسٹکس کی ضروریات کو پورا کرے گا۔ یہ گاڑی پائیدار، سستی اور آسانی سے قابل رسائی ٹرانسپورٹ فراہم کرے گی اور پاکستان میں ہلکی کمرشل گاڑیوں کی بڑھتی ہوئی مانگ کو پورا کرنے کی صلاحیت رکھتی ہے۔ اس پروجیکٹ سے صنعتی ترقی، مقامی پرزہ سازی، روزگار کے مواقع اور ٹیکنالوجی کی منتقلی کے عمل میں تیزی آئے گی۔

شرجیل انعام میمن نے کہا کہ یہ منصوبہ کراچی کو گاڑی سازی کے ایک اہم مرکز میں تبدیل کرنے کی سمت میں پہلا قدم ہے۔ سندھ حکومت اس منصوبے کے لیے قوانینی معاونت، انفراسٹرکچر کی تیاری اور مقامی افرادی قوت کی تربیت فراہم کرے گی۔

سپر منی ٹرک کی ایک منفرد خصوصیت یہ ہے کہ اس گاڑی کو آسانی سے ایک سپر منی کار میں تبدیل کیا جا سکتا ہے۔

سینئر وزیر شرجیل انعام میمن نے چیری ہولڈنگ کے چیئرمین ین تونگیو کی ویژنری قیادت کی تعریف کی۔ اس تقریب میں وزیرِ توانائی سندھ سید ناصر حسین شاہ اور بجٹ پیٹرولیم انویسٹمنٹ ہولڈنگز کمپنی کے گروپ سی ای او زاہد بشیر بھی موجود تھے۔