غزہ میں سردی کی شدت سے بچوں کی صحت کو خطرہ ہے ، یونیسیف

نیویارک : یونیسیف نے غزہ میں سردی کی شدت کے باعث بچوں کی حالت پر گہری تشویش ظاہر کی ہے اور خبردار کیا ہے کہ اس سرد موسم کی وجہ سے بچوں کو بیماریوں کا خطرہ بڑھ گیا ہے۔ یونیسیف نے اپنے بیان میں کہا کہ غزہ میں بچے پانی سے بھرے خیموں میں زندگی گزارنے پر مجبور ہیں اور ان کے پاس گرم کپڑے نہیں ہیں جس سے ان کی صحت پر منفی اثرات مرتب ہو رہے ہیں۔

یونیسیف نے یہ بھی کہا کہ غزہ کے بچوں کے لیے فوری طور پر محفوظ پناہ گاہوں کی ضرورت ہے تاکہ وہ سردی سے بچ سکیں اور بہتر صحت کی سہولتیں حاصل کر سکیں۔

یاد رہے کہ سرد موسم نے غزہ میں فلسطینیوں کی مشکلات کو اور بڑھا دیا ہے، اور حال ہی میں اس سردی کی وجہ سے ایک دو ہفتے کا بچہ بھی جاں بحق ہو چکا ہے، جو کہ علاقے میں بچوں کے لیے بڑھتے ہوئے خطرات کا واضح اشارہ ہے۔