ورلڈ کپ میں بڑے مقابلے برابر، سپین، بیلجیئم اور ایران فتح سے محروم

فٹبال ورلڈ کپ کے سنسنی خیز مقابلوں میں کئی اہم ٹیمیں کامیابی حاصل نہ کر سکیں، جبکہ دلچسپ مقابلوں کے بعد میچز برابری پر ختم ہوئے۔

گروپ میچ میں بیلجیئم اور مصر کے درمیان سخت مقابلہ ہوا، دونوں ٹیموں نے ایک، ایک گول کیا اور میچ بغیر کسی فاتح کے اختتام پذیر ہوا۔

سپین کو بھی پہلی مرتبہ ورلڈ کپ میں شرکت کرنے والی ٹیم کیپ ورڈی کے خلاف مشکلات کا سامنا کرنا پڑا۔ دونوں ٹیموں کے درمیان مقابلہ بغیر کسی گول کے برابر رہا۔

سعودی عرب اور یوراگوئے کے درمیان کھیلا گیا میچ بھی سنسنی خیز رہا، دونوں ٹیموں نے ایک، ایک گول کیا اور پوائنٹس تقسیم کیے۔

دوسری جانب ایران اور نیوزی لینڈ کا مقابلہ بھی دلچسپ رہا، جہاں دونوں ٹیموں نے دو، دو گول کیے اور میچ برابری پر ختم ہوا۔

ورلڈ کپ کے گروپ مرحلے میں مسلسل ڈرا مقابلوں کے باعث ٹیموں کے لیے اگلے مرحلے تک رسائی کی جنگ مزید سخت ہو گئی ہے۔