بارش نے گرمی کا زور توڑ دیا، ژالہ باری سے گاڑیوں کے شیشے ٹوٹ گئے، لنڈی کوتل میں خطرناک صورتحال

اسلام آباد: راولپنڈی اور اسلام آباد میں آج اچانک طوفانی بارش اور ژالہ باری نے موسم بدل کر رکھ دیا۔ لوگ جہاں خوشی سے موسم کا لطف اٹھاتے رہے، وہیں کئی علاقوں میں نقصان کی اطلاعات بھی سامنے آئیں۔

اسلام آباد میں ژالہ باری اتنی شدید تھی کہ گاڑیوں اور گھروں کے شیشے ٹوٹ گئے۔ راولپنڈی میں بارش سے گرمی کا زور کم ہوا اور موسم خوشگوار ہو گیا۔

لنڈی کوتل میں صورت حال خطرناک ہو گئی جب ایک گاڑی سیلابی ریلے میں بہہ گئی۔ ضلعی انتظامیہ نے نشیبی علاقوں میں ہنگامی کارروائیاں شروع کر دی ہیں۔

محکمہ موسمیات کا کہنا ہے کہ اگلے چند روز تک مزید علاقوں میں بارش کا امکان ہے، جن میں اٹک، چکوال، آزاد کشمیر اور گلگت بلتستان شامل ہیں۔