ایران کے خلاف امریکی و اسرائیلی فوجی گھیرا تنگ: بی-2 بمبار طیاروں کی روانگی اور 'تھاڈ' کی اسرائیل منتقلی

مشرقِ وسطیٰ: امریکہ نے ایران کی عسکری صلاحیتوں کو مفلوج کرنے کے لیے اپنے جدید ترین بی-2 اسٹیلتھ بمبار طیارے روانہ کر دیے ہیں۔ امریکی سینٹکام کے مطابق اس مشن کا مقصد ایرانی حکومت کی جانب سے لاحق خطرات کو مستقل طور پر ختم کرنا ہے۔

اسٹریٹجک دفاع کو مضبوط بنانے کے لیے امریکہ نے جنوبی کوریا سے اپنا جدید میزائل ڈیفنس سسٹم 'تھاڈ' اسرائیل منتقل کر دیا ہے، جبکہ خطے میں 5 ہزار اضافی میرینز اور جنگی بحری جہازوں کی تعیناتی کا بھی اعلان کیا گیا ہے۔ دوسری جانب، اسرائیل نے گزشتہ 24 گھنٹوں میں ایران کی فوجی تنصیبات اور اسلحہ خانوں سمیت 200 سے زائد مقامات پر شدید فضائی حملے کیے ہیں۔