ایڈمٹ کارڈ پر امیدوار کی جگہ کتے کی تصویر چھپنے سے تنازع کھڑا ہوگیا

بہار : بھارت کے بہار ریاست کے ضلع روہتاس میں چپڑاسی کی بھرتی کے امتحان کے ایڈمٹ کارڈ پر عجیب غلطی سامنے آئی ہے۔ 15 مارچ کو ہونے والے امتحان کے لیے جاری کارڈ پر امیدوار کا نام، رول نمبر اور دیگر تفصیلات درست ہیں، لیکن امیدوار کی تصویر کی جگہ کتے کی تصویر چھپ گئی۔

امیدوار نے بتایا کہ اس نے 2022 میں بھرتی کے لیے درخواست دی تھی اور اس کے بعد کئی بار بورڈ سے شکایت کی، مگر ابھی تک کوئی حل نہیں نکلا۔ ایڈمٹ کارڈ میں تصویر کی غلطی کی وجہ سے اسے امتحان میں مشکلات کا سامنا ہے۔

یہ واقعہ آن لائن بھرتی سسٹم کی خامیوں اور انتظامی غفلت پر سوالات اٹھاتا ہے۔ امیدوار نے مطالبہ کیا کہ مسئلہ فوراً حل کیا جائے اور ذمہ دار افراد کے خلاف کارروائی ہو تاکہ وہ بلاخوف امتحان دے سکے۔