سپریم جوڈیشل کونسل کا اجلاس آج، اعلیٰ عدلیہ کے ججز کے خطوط پر غور ہوگا

اسلام آباد: چیف جسٹس پاکستان جسٹس یحییٰ آفریدی کی زیرصدارت سپریم جوڈیشل کونسل کا اہم اجلاس آج ہوگا۔ اجلاس میں سپریم کورٹ کے سینئر ججز اور ہائیکورٹس کے چیف جسٹسز شریک ہوں گے۔

اجلاس میں ججز کے خلاف شکایات، عدالتی قواعد اور کوڈ آف کنڈکٹ پر بات چیت ہوگی۔ اجلاس کا خاص فوکس اعلیٰ عدلیہ کے ججز کے خطوط پر ہوگا جن میں عدالتی رویے اور پیشہ ورانہ معیار کے موضوعات زیر بحث آئیں گے۔

سپریم جوڈیشل کونسل عدلیہ کی شفافیت اور کارکردگی کو بہتر بنانے کے لیے ذمہ دار ادارہ ہے۔