کرٹس کیمفر نے انٹرپرووینشل ٹی ٹوئنٹی میں پانچ گیندوں پر پانچ وکٹیں لیکر نیا ریکارڈ قائم کیا

آئرلینڈ :آئرلینڈ کے آل راؤنڈر کرٹس کیمفر نے انٹرپرووینشل ٹی ٹوئنٹی ٹورنامنٹ میں منسٹر ریڈز کی نمائندگی کرتے ہوئے ایک ایسا کارنامہ انجام دیا جو پروفیشنل کرکٹ میں پہلے کبھی نہیں ہوا۔

نارتھ ویسٹ واریئرز کے خلاف میچ میں انہوں نے پانچ گیندوں میں پانچ وکٹیں حاصل کیں، جس نے مخالف ٹیم کو مشکلات سے دوچار کر دیا۔ کیمفر کی اس بے مثال کارکردگی کے باعث انہیں میچ کا بہترین کھلاڑی قرار دیا گیا۔

ان کی پہلے کی بھی ایک شاندار باؤلنگ ریکارڈ ہے، جب 2021 میں انہوں نے چار گیندوں پر چار وکٹیں حاصل کی تھیں۔