کرپٹو کرنسی میں پاکستان کا بڑا فیصلہ: بٹ کوائن اب قومی ذخائر کا حصہ بنے گا

اسلام آباد :پاکستان نے ڈیجیٹل مالیاتی دنیا میں بڑا قدم اٹھاتے ہوئے اعلان کیا ہے کہ اب بٹ کوائن کو قومی سطح پر ذخائر کا حصہ بنایا جائے گا۔ بلال بن ثاقب، جو پاکستان کرپٹو کونسل کے سربراہ ہیں، کا کہنا ہے کہ یہ اقدام پاکستان کو بینکنگ کے بغیر قرضہ جات اور مالی لین دین کے قابل بنائے گا۔

بلال بن ثاقب نے حال ہی میں کرپٹو کے معروف چہرے مائیکل سیلر سے ملاقات کی، اور انہیں پاکستان کے اسٹریٹجک کرپٹو منصوبے کا مشیر بننے کی پیشکش کی گئی ہے۔ رپورٹ کے مطابق، پاکستان دنیا میں ان چند ممالک میں شامل ہو چکا ہے جو کرپٹو کو ریاستی سطح پر اختیار کر رہے ہیں۔