جنرل سید عامر رضا کو نشانِ امتیاز (ملٹری) عطا

اسلام آباد: ایوانِ صدر میں کمانڈر نیشنل اسٹریٹجک کمانڈ جنرل سید عامر رضا کو نشانِ امتیاز (ملٹری) عطا کرنے کی تقریب منعقد ہوئی۔ صدرِ مملکت آصف علی زرداری نے پروقار تقریب میں جنرل سید عامر رضا کو نشانِ امتیاز (ملٹری) سے نوازا۔

تقریب میں وزیراعظم شہباز شریف، فیلڈ مارشل سید عاصم منیر، سروسز چیفس، نائب وزیراعظم و وزیر خارجہ اسحاق ڈار اور چیئرمین سینیٹ سید یوسف رضا گیلانی سمیت اہم شخصیات نے شرکت کی۔

وفاقی وزرا خواجہ آصف، احسن اقبال، عطاتارڑ، رانا تنویر حسین، اعظم نذیر تارڑ اور چودھری وجاہت حسین بھی تقریب میں موجود تھے۔

اس موقع پر وفاقی وزیر خزانہ محمد اورنگزیب، اسپیکر پنجاب اسمبلی محمد احمد خان، سینیٹر شیری رحمان اور دیگر اعلیٰ حکام و شخصیات بھی شریک ہوئیں۔

تقریب میں جنرل سید عامر رضا کو ان کی خدمات کے اعتراف میں نشانِ امتیاز (ملٹری) عطا کیا گیا۔