منی لانڈرنگ کیس: ارمغان کا جسمانی ریمانڈ منظور، ایف آئی اے کو تحقیقات کی اجازت

کراچی: انسداد دہشت گردی کی عدالت نے منی لانڈرنگ کیس میں ارمغان کو پانچ روز کے جسمانی ریمانڈ پر ایف آئی اے کے حوالے کردیا۔ ایف آئی اے حکام نے عدالت میں بتایا کہ ارمغان کے خلاف سنگین مقدمات ہیں جن میں غیر قانونی کال سینٹر، مہنگی گاڑیاں خریدنے اور کرپٹو کرنسی کے ذریعے پیسہ منتقل کرنے کے الزامات شامل ہیں۔

ایف آئی اے نے درخواست میں کہا کہ ملزم کے خلاف 154 ملین روپے کی مشتبہ رقم کا سراغ لگا ہے اور یہ رقم ایک امریکی کمپنی میں منتقل کی گئی۔ عدالت نے ملزم کو تفتیش کے لیے پانچ دن کے جسمانی ریمانڈ پر ایف آئی اے کے حوالے کیا ہے۔