تہران: ایران کے سپریم لیڈر علی خامنہ ای کے دوسرے بیٹے، 56 سالہ مجتبیٰ خامنہ ای کو ملک کا نیا سپریم لیڈر مقرر کر دیا گیا ہے۔ مجلس خبرگان کی ووٹنگ میں انہیں اکثریت کی حمایت حاصل ہوئی، اور وہ ایران کے تیسرے سپریم لیڈر بن گئے ہیں۔
نو منتخب رہنما ایران کے سب سے اعلیٰ سیاسی اور مذہبی منصب پر فائز ہوں گے اور ان کی قیادت ملک کی اندرونی اور بیرونی پالیسیز پر اثر ڈالے گی۔ سرکاری میڈیا نے اس فیصلہ کو تاریخی قرار دیا ہے اور ایرانی عوام سے نئے رہنما کے ساتھ وفاداری کی اپیل کی ہے۔
مجتبیٰ خامنہ ای کئی دہائیوں سے سپریم لیڈر کے قریبی حلقے میں شامل رہے ہیں اور پاسداران انقلاب کے ساتھ ان کے مضبوط تعلقات ہیں۔ انہوں نے جانشینی کے معاملے پر کبھی کھل کر بات نہیں کی۔
ایران کے صدر نے ان کی تعیناتی کا خیرمقدم کرتے ہوئے کہا کہ یہ فیصلہ ملک کے لیے عزت اور طاقت کا نیا دور شروع کرتا ہے۔ نیشنل سکیورٹی کونسل اور مسلح افواج نے بھی نئے سپریم لیڈر کے ساتھ وفاداری کا اعلان کیا۔بین الاقوامی سطح پر بھی اس انتخاب پر ردعمل آیا ہے، اور امریکی اور اسرائیلی حکام نے محتاط رویہ اپنانے کی خبردار کیا ہے۔
NaiBaat | Copyright © 2026
