رجب بٹ کا دھوکہ دہی کا اعتراف، سوشل میڈیا پر ہنگامہ

لاہور: پاکستان کے مشہور فیملی وی لاگر رجب بٹ دوبارہ تنازعے میں آ گئے ہیں۔ حال ہی میں انہوں نے اپنی اہلیہ ایمان فاطمہ کو دھوکہ دینے کا اعتراف کیا، جس کے بعد صارفین نے سوشل میڈیا پر شدید ردعمل ظاہر کیا ہے۔

رجب بٹ اپنی متنازع شخصیت، قانونی معاملات اور سوشل میڈیا پر تنازعات کی وجہ سے اکثر خبروں میں رہتے ہیں۔ اس بار ان کے اور اہلیہ کے درمیان اختلافات بھی موضوعِ بحث بن گئے ہیں۔

میڈیا رپورٹس اور سوشل میڈیا پر تبصرے اس وقت بڑھ گئے جب یہ خبریں سامنے آئیں کہ ایمان فاطمہ کے حاملہ ہونے کے دوران رجب بٹ کا ایک اور سوشل میڈیا شخصیت، فاطمہ خان، کے ساتھ تعلق تھا۔ رجب بٹ نے ابتدائی طور پر کہا کہ یہ معاملہ ان کی شادی سے پہلے ختم ہو چکا تھا۔ ایمان فاطمہ کے بھائی نے بھی پہلے اس حوالے سے بیان دیا تھا جس میں مبینہ بے وفائی کا ذکر کیا گیا تھا۔

اب رجب بٹ نے خود اعتراف کیا ہے کہ انہوں نے اپنی اہلیہ کو دھوکہ دیا تھا اور عوامی طور پر معافی مانگی تھی، جسے ایمان فاطمہ نے قبول کر لیا۔ گفتگو کے دوران انہوں نے کہا کہ وہ نہیں سمجھ پائے کہ اہلیہ نے انہیں معاف کیوں کیا، اور ساتھ ہی یہ بھی دعویٰ کیا کہ معافی کے بعد بھی ایمان نے ان سے آئی فون 17 لے لیا۔

یہ اعتراف دوبارہ سوشل میڈیا پر بحث کا مرکز بن گیا ہے اور وی لاگرز کی ذاتی زندگیوں پر عوامی دلچسپی بڑھ گئی ہے۔