رومانوی سین وائرل، علیزے شاہ کی اداکاری پر نئی بحث چھڑ گئی

کراچی: پاکستانی ڈرامہ انڈسٹری کی مشہور اداکارہ علیزے شاہ ایک بار پھر سوشل میڈیا صارفین کی توجہ کا مرکز بن گئی ہیں، مگر اس مرتبہ موضوعِ بحث ان کا فیشن یا میک اپ نہیں بلکہ ڈرامے کا ایک رومانوی سین ہے۔

حال ہی میں نشر ہونے والے ڈرامہ سیریل “خواب میرے” کا ایک ویڈیو کلپ سوشل میڈیا پر تیزی سے گردش کر رہا ہے، جس میں علیزے شاہ کو ایک جذباتی منظر کے دوران گرتے ہوئے دیکھا جا سکتا ہے جبکہ اداکار اظفر رحمٰن انہیں تھام لیتے ہیں۔

اگرچہ یہ سین ڈرامے کی کہانی کا حصہ ہے، تاہم متعدد صارفین نے اداکارہ کی اداکاری کو غیر فطری اور کمزور قرار دیتے ہوئے اس پر تنقید کی ہے۔

سوشل میڈیا پر جاری تبصروں میں بعض افراد کا کہنا ہے کہ منظر کو ضرورت سے زیادہ ڈرامائی انداز میں پیش کیا گیا، جبکہ کچھ صارفین نے علیزے شاہ کی پرفارمنس کو متاثر کن قرار نہیں دیا۔

اس کے برعکس اداکارہ کے چاہنے والوں نے ان کی حمایت کرتے ہوئے مؤقف اختیار کیا کہ چند لمحوں کے کلپ کی بنیاد پر مکمل اداکاری کا اندازہ لگانا مناسب نہیں۔ مداحوں کے مطابق ڈرامے کے مکمل پس منظر میں یہی منظر زیادہ بہتر اور مؤثر محسوس ہوسکتا ہے۔

علیزے شاہ اس سے قبل بھی کئی بار سوشل میڈیا تنقید کی زد میں آ چکی ہیں، تاہم اس بار بحث کا مرکز ان کی اداکاری اور اسکرین پرفارمنس بنی ہوئی ہے۔