پی ایس ایل 10: آج لاہور قلندرز اور کراچی کنگز آمنے سامنے ہوںگے

لاہور: پاکستان سپر لیگ کے دسویں ایڈیشن میں آج لاہور قلندرز اور کراچی کنگز کے درمیان زبردست مقابلہ ہوگا۔ میچ رات 8 بجے قذافی اسٹیڈیم لاہور میں کھیلا جائے گا۔

لاہور قلندرز کی کپتانی فاسٹ بولر شاہین شاہ آفریدی کے پاس ہے، جبکہ کراچی کنگز کی قیادت آسٹریلیا کے تجربہ کار اوپنر ڈیوڈ وارنر کر رہے ہیں۔ دونوں ٹیمیں اس میچ کو جیت کر پوائنٹس ٹیبل پر اپنی پوزیشن بہتر بنانے کے لیے پرعزم ہیں۔ شائقین کرکٹ اس مقابلے کا شدت سے انتظار کر رہے ہیں، کیونکہ لاہور اور کراچی کی ٹیموں کے درمیان ہونے والے میچز ہمیشہ سے ہی دلچسپ اور سنسنی خیز رہے ہیں۔