ایم ڈی کیٹ 2025 کے حتمی نتائج کا اعلان: عارضی نتائج ہی حتمی نتائج قرار

کراچی :پاکستان کے سرکاری میڈیکل اور ڈینٹل کالجوں میں داخلے کے لیے ہونے والے ایم ڈی کیٹ کے حتمی نتائج جاری کر دیے گئے ہیں۔ ایس ٹی ایس کے چیف ایگزیکٹو آفیسر (سی ای او) نے کہا کہ عارضی نتائج کو ہی حتمی نتائج سمجھا جا سکتا ہے کیونکہ ان میں کوئی غلطی سامنے نہیں آئی۔

اس سال 32,424 طلبہ نے ایم ڈی کیٹ کا امتحان دیا، جس میں کامیاب ہونے کے لیے ڈینٹسٹری کے لیے 50 فیصد اور ایم بی بی ایس کے لیے 55 فیصد نمبر درکار تھے۔ سندھ بھر میں 14,300 امیدواروں نے 55 فیصد یا اس سے زیادہ نمبر حاصل کیے، جبکہ 17,123 امیدواروں نے 50 فیصد نمبر حاصل کیے۔

کراچی کے طلبہ نے اس سال ایم ڈی کیٹ میں نمایاں کامیابی حاصل کی، اور سندھ کے باقی اضلاع کے طلبہ کو پیچھے چھوڑ دیا۔ آئی بی اے سکھر یونیورسٹی کے ایم ڈی کیٹ 2025 کے امتحان میں کراچی نے پہلی تین پوزیشنز حاصل کیں۔ ٹاپ ٹین میں شامل 124 امیدواروں میں سے 41 کا تعلق کراچی سے تھا، جو اس بات کا غماز ہے کہ شہر کے طلبہ نے اپنی محنت سے بڑی کامیابیاں حاصل کی ہیں۔