اسحاق ڈار کی ایرانی صدر سے ملاقات، دوطرفہ تعلقات مزید مضبوط بنانے پر زور

اسلام آباد: پاکستان کے نائب وزیراعظم اور وزیر خارجہ سینیٹر اسحاق ڈار نے اسلامی جمہوریہ ایران کے صدر ڈاکٹر مسعود پزشکیان سے ملاقات کی، جس میں دونوں ممالک کے درمیان دیرینہ تعلقات کو مزید مضبوط بنانے پر اتفاق کیا گیا۔

ملاقات اسلام آباد میں ہوئی، جہاں اسحاق ڈار نے پاکستان اور ایران کے درمیان مشترکہ تاریخ، ثقافت اور عقیدے پر مبنی دوستی کو آگے بڑھانے کے عزم کا اعادہ کیا۔ ایرانی صدر نے بھی پاکستان کے ساتھ تعلقات کی اہمیت پر زور دیا اور مختلف شعبوں میں تعاون بڑھانے کی خواہش ظاہر کی۔

صدر پزشکیان نے واضح کیا کہ ایران، پاکستان کے ساتھ سیاسی اور معاشی تعلقات کو مزید فروغ دینا چاہتا ہے اور اس مقصد کے لیے پاکستانی قیادت سے بامعنی گفتگو کے لیے تیار ہے۔

ایک روز قبل، ایرانی وزیر خارجہ عباس عراقی نے بھی اسحاق ڈار سے ملاقات کی، جس میں دونوں رہنماؤں نے علاقائی استحکام، تجارت اور اقتصادی روابط کو فروغ دینے پر اتفاق کیا۔ ساتھ ہی دونوں ممالک کے درمیان رابطے اور مشاورت کے عمل کو مزید فعال بنانے کی ضرورت پر بھی زور دیا گیا۔