پاکستان پرامن ایٹمی قوت، بلاول بھٹو نے عالمی سطح پر بھارت کی چالیں بے نقاب کیں:شرجیل میمن

کراچی: سندھ کے سینئر وزیر شرجیل میمن نے میڈیا سے گفتگو کرتے ہوئے کہا کہ پاکستان ایک پرامن ایٹمی طاقت ہے اور بانی پاکستان ذوالفقار بھٹو نے ملک کی مضبوط بنیاد رکھی۔ انہوں نے کہا کہ پیپلز پارٹی نے صوبوں کو خودمختاری دی اور پاکستان کے اداروں کو مضبوط بنایا۔

شرجیل میمن نے بلاول بھٹو کی قیادت کی تعریف کرتے ہوئے کہا کہ انہوں نے بھارتی جارحیت کے خلاف عالمی سطح پر مؤقف پیش کیا اور سیلاب متاثرین کے لیے دنیا کا سب سے بڑا رہائشی منصوبہ شروع کیا۔ پیپلز پارٹی کی حکومت سیلاب متاثرین کے لیے 21 لاکھ گھر تعمیر کر رہی ہے۔

انہوں نے تھر کے کوئلے سے بجلی کے منصوبے، بےنظیر انکم سپورٹ پروگرام اور ایگریکلچر سیکٹر میں ترقیاتی کاموں کا بھی ذکر کیا۔ شرجیل میمن نے کہا کہ پاکستان نے بھارت کو متعدد مواقع پر شکست دی اور کوئی دشمن میلی آنکھ سے پاکستان کو نہیں دیکھ سکتا۔

انہوں نے مزید کہا کہ سندھ متحد ہے، بلاول بھٹو عوام کی حمایت سے اقتدار میں آئیں گے اور پاکستان کی سلامتی اور ترقی کے لیے کسی بھی خطرے کا مقابلہ کرنے کے لیے تیار ہیں۔