یومِ یکجہتیِ فلسطین: پاکستان میں احتجاجی ریلیاں، صدر اور وزیراعظم کی مضبوط حمایت

اسلام آباد: دنیا بھر کی طرح پاکستان میں بھی آج یومِ یکجہتیِ فلسطین منایا جا رہا ہے۔ مختلف شہروں میں فلسطینی عوام سے اظہارِ یکجہتی کے لیے احتجاجی ریلیاں، مظاہرے اور جلوس نکالے جا رہے ہیں، جن میں اسرائیلی فورسز کے مظالم کی مذمت کی جا رہی ہے۔

صدر آصف علی زرداری نے اپنے پیغام میں غزہ میں فوری جنگ بندی اور انسانی امداد کی فراہمی پر زور دیتے ہوئے کہا کہ پاکستان ہر عالمی فورم پر فلسطینیوں کے حقوق کی وکالت کرتا رہے گا۔ وزیراعظم شہباز شریف نے بھی فلسطینی عوام کے ساتھ مکمل یکجہتی کا اظہار کرتے ہوئے اسرائیلی جنگی جرائم کے احتساب اور امدادی راہداریوں کے کھلے رکھنے کی ضرورت پر زور دیا۔